2021-jılda kóshpeli qabıllawlar ótkeriw rejesine muwapıq Mámleketlik test orayınıń basshıları qatnasıwında orınlarda kóshpeli qabıllawlar bolıp ótpekte.

Náwbettegi kóshpeli qabıllawlar Mámleketlik test orayınıń direktorı orınbasarı Radjabov Sardor Baxtiyorovich tárepinen Qaraqalpaqstan Respbulikası hám Xorezm wálayatında shólkemlestirildi.

2021-jıl 14-15-dekabr kúnleri Ózbekstan Respublikası Prezidentiniń Qaraqalpaqstan Respublikasındaǵı xalıq qabıllawxanasında hám Xorezm wálayatındaǵı xalıq qabıllawxanası, sonday-aq, Xojeli rayonında 1 mektepte hám Gúrlen rayonında 3 mektepte shólkemlestirilgen kóshpeli qabıllawlar ashıq sáwbetlesiw túrinde ótkerilip, máhálle wákilleri, pitkeriwshi jaslar, mektep oqıtıwshıları, ata-analar, xalıq bilimlendiriw ministrligi hám basqarmaları, oqıw orınlarınıń basshıları qatnastı.

Qabıllawlar dawamında aymaqlarda puqaralar, ata-analar, pitkeriwshi klass oqıwshıları menen ushırasıwlar ótkerildi, mashqalalar hám usınıslar orınlarda úyrenildi hám óz sheshimin taptı, sonday-aq, tarawda ámelge asırılıp atırǵan reformalar hám jańalıqlar menen tanıstırıp ótildi.

Mámleketlik test orayınıń málimleme xızmeti