Mámleketlik test orayı hákimshiliginiń náwbettegi kóshpeli qabıllawları Surxandárya wálayatında Mámleketlik test orayı direktorı Karimov Madjit Malikovich tárepinen ótkerildi.

Qabıllawlar usı jıl 16-dekabr kúni Termiz mámleketlik universiteti akademiyalıq liceyi, Termiz rayonı “Yangihayot” MPJ aymaǵındaǵı 1-ulıwma bilim beriw mektebi hám Ózbekstan Respublikası Prezidentiniń xalıq qabıllawxanasında bolıp ótti.

Bul kóshpeli qabıllawlarda qatnasqan puqaralarǵa Mámleketlik test orayı baslıǵı tárepinen joqarı bilim alıw, maman hám básekige shıdamlı kadrlardı tayarlaw boyınsha ámelge asırılıp atırǵan áhmiyetli reformalar nátiyjesi, mámleketimiz basshısınıń jeke baslaması menen jaslardıń zamanagóy bilim alıwı ushın jaratılıp atırǵan shárt-sharayatlar, imkaniyat hám jeńillikler, olardı tiykarlawshı normativ-huqıqıy hújjetlerdiń mazmunı, bilimlendiriw tarawında innovacialıq ideyalardı júzege shıǵarıw, jaslardıń bilimge qumarlıǵı xoshametlenip atırǵanlıǵı haqqında maǵlıwmatlar berildi. Sonday-aq, Mámleketlik test orayı iskerligine tiyisli máseleler menen múrájat etken puqaralar qabıllanıp, kóterilgen máselelerdi sheshiwge jaqınnan járdem berildi.  

Sonıń menen bir qatarda, Mámleketlik test orayı tárepinen joqarı bilimlendiriw mákemelerine oqıwǵa kiriwshi abiturientler, olardıń ata-anaları kiriw test sınaqlarında jaratılıp atırǵan qolaylılıqlar, keyingi jıl tayarlıǵı, kútilip atırǵan ózgeris hám jańalıqlardan xabardar etildi.

Mámleketlik test orayı hákimshiligi tárepinen orınlarda kóshpeli qabıllawlardıń shólkemlestiriliwi dawam etpekte.

Mámleketlik test orayı xabar xızmeti