Bilimni baholash agentligi rahbariyati tomonidan Agentlik faoliyatiga oid masalalar yuzasidan jismoniy va yuridik shaxslarning murojaatlarini ko‘rib chiqish maqsadida sayyor qabullar tashkil etilmoqda.

Navbatdagi sayyor qabul Bilim va malakalarni baholash agentligi huzuridagi Ilmiy-o‘quv amaliy markazi bosh mutaxassisi Normurodov Asror Bazarovich tomonidan Farg‘ona viloyatida o‘tkaziladi.

Umumta’lim fanlarini bilish darajasini baholashda natijalarni RASH modeli (Rasch model) asosida hisoblash yuzasidan talabgorlarga tushuntirishlar beriladi.

Sayyor qabul 18-aprel kuni soat 14:00 da – Farg‘ona viloyatidagi Farg‘ona davlat texnika universiteti 2-son akademik litseyi (Farg'ona shahri, Al-Farg'oniy ko‘chasi, 82-uy)da bo‘lib o‘tadi.