Mámleketlik test orayı tárepinen usı jıldıń yanvar ayında 2021-2022-oqıw jılı ushın joqarı bilimlendiriw mákemeleriniń bakalavriat bilim baǵdarlarına kiriw test sınaqları formatındaǵı diagnostikalıq test sınaqları jolǵa qoyılǵan edi.

Usı test sınaǵı sheńberinde, Qaraqalpaqstan Respublikası, wálayatlar hám Tashkent qalasında hár hápte diagnostikalıq test sınaqları shólkemlestirilip,  abiturientler óz bilimin sınap kóriw hám test materialları menen islesiw kónlikpesine iye bolıp kelmekte edi.

Esletip ótemiz, joqarı bilimlendiriw mákemeleriniń bakalavriat bilim baǵdarlarına kiriw test sınaqları jaqınlasıp atırǵanlıǵı hám Mámleketlik test orayında jumıs kólemi artqanlıǵı sebepli, diagnostikalıq test sınaqları usı jıldıń iyun ayınan baslap toqtatıladı.

Biraq buǵan deyin diagnostikalıq test sınaqlarında qatnasıw tilegin bildirgen talabanlar 31-may kúni saat 17:00 ge shekem my.dtm.uz saytı arqalı diagnostikalıq test materiallarına buyırtpa beriwi hám tólemdi ámelge asırıwı múmkin.

Mámleketlik test orayı xabar xızmeti