2021-jıl 21-aprel kúni “Shet tilinen xalıqaralıq sertifikatlarǵa iye bolıw kónlikpelerin qáliplestiriw” temasında vebinar shólkemlestiriledi.

Bul vebinar Mámleketlik test orayı janındaǵı Ilimiy-oqıw ámeliy orayı tárepinen Xalıq bilimlendiriw ministrligi menen birgelikte ótkeriledi.

Vebinar Xalıq bilimlendiriw ministrligine qaraslı xalıq bilimlendiriw basqarmaları, rayonlıq, qalalıq xalıq bilimlendiriw bólimleriniń metodikalıq xızmet basshıları hám shet tili metodistleri ushın shólkemlestitilgen bolıp, vebinar aymaqlar kesiminde tómende kórsetilgen waqıtlarda ótkeriledi:

• Qaraqalpaqstan Respublikası, Xorezm, Buxara hám Nawayı wálayatları ushın 10:00 den 11:00 ge shekem;
• Qashqadárya, Surxandárya, Samarqand hám Jizzax wálayatları ushın 11:30 dan 12:30 ge shekem;
• Tashkent hám Sırdárya wálayatları jáne Tashkent qalası ushın 14:30 dan 15:30 ge shekem;
• Ferǵana, Ándijan hám Namangan wálayatları ushın 16:00 dan 17:00 ge shekem.

Xalıq bilimlendiriw ministrligine qaraslı xalıq bilimlendiriw basqarmaları, rayonlıq, qalalıq xalıq bilimlendiriw bólimleriniń metodikalıq xızmet basshıları hám shet tili metodistlerin vebinarǵa mirát etemiz.

Mámleketlik test orayı xabar xızmeti