2019-jıldıń 22-dekabr kúni Oliy Májlis Nızamshılıq palatası hám jergilikli keńesler deputatlıǵına “Jańa Ózbekstan – jańa saylawlar” ulıwma uranı astında bolıp ótetuǵın áhmiyetli siyasiy kampaniyaǵa tayarlıq sheńberinde 8-noyabr kúni Mámleketlik test orayında dóńgelek stol sáwbetlesiwi bolıp ótti. Bul ilaj “Saylaw nızamshılıǵı agitaciyası aylıǵı” sheńberinde ótkerilip, xızmetkerlerdiń huqıqıy bilim hám mádeniyatın arttırıw hám de saylaw nızamshılıǵındaǵı jańalıqlardan xabardar etiw sıyaqlı áhmiyetli máselelerge baǵıshlandı.

“Biz keleshegimizge – dawıs beremiz” uranı astında shólkemlestirilgen ilajda Oraylıq saylaw komissiyasınıń eksperti, yuridika ilimleriniń kandidatı Paluaniyazov Xolmumaxammad Aytjanovich, Ózbekstan xalıq demokratiyalıq partiyası oraylıq keńesi sektorı basqarıwshısı Xomitov Ravshan Xomitovich, Mámleketlik test orayı xızmetkerleri hám ǵalaba xabar quralları wákilleri qatnastı.

Ilaj dawamında xızmetkerlerge saylawshılardıń birden-bir dizimi, saylaw hám saylanıw huqıqları, ashıqlıq, teńlik, múddetinen aldın dawıs beriw tártibi, saylawǵa baylanıslı jańalıqlar boyınsha maǵlıwmatlar hám de isenimli wákil, gúzetiwshiler, dawıslardı sanaw hám járiyalaw, sonday-aq, Xalıq demokratiyalıq partiysınıń baǵdarlamasınan orın alǵan máseleleri boyınsha keń túsinikler berildi.

Ilaj qızıqlı hám qızǵın soraw-juwaplar tárizinde ótti.

Mámleketlik test orayı xabar xızmeti