Pedagogik o‘lchovlarni rivojlantirish ilmiy tadqiqot bo'limining asosiy vazifalari quyidagilardan iborat:
- bilimlarni baholash bo‘yicha pedagogik o‘lchov vositalarini rivojlantirish borasida ilmiy-metodik tadqiqotlar olib borish va uning natijalari asosida pedagogik o‘lchov vositalarini takomillashtirish bo‘yicha takliflar ishlab chiqish;
- pedagogik o‘lchovlar vositalarini ishlab chiqish va ekspertizadan o‘tkazish talablari bo‘yicha uslubiy ko‘rsatmalar ishlab chiqish;
- pedagogik o‘lchovlar vositalarini takomillashtirish bo‘yicha mutaxassislar uchun o‘quv seminarlarini tashkil etish;
- ilmiy-metodik tadqiqotlar uchun pedagogik o‘lchovlar vositalarini ishlab chiqish, aprobatsiyadan o‘tkazish va aprobatsiya natijalari bo‘yicha test topshiriqlarini statistik tahlilini amalga oshirish;
- tahlil natijalariga ko‘ra test topshiriqlarini takomillashtirish bo‘yicha takliflar ishlab chiqish;
- testologiya va pedagogik o‘lchovlar sohasi bo‘yicha ilmiy, amaliy, o‘quv va boshqa materiallarni ekspertizadan o‘tkazish;
- testologiya va pedagogik o‘lchovlar masalalari bo‘yicha konferentsiya, seminar-trening, ko‘rgazma va boshqa tadbirlarni tashkil etish va o‘tkazish;
- testologiya va pedagogik o‘lchovlar masalalari bo‘yicha muntazam ravishda xulosa, hisobot, tahliliy ma’lumotnomalar tayyorlash hamda ularni Ilmiy markaz rahbariyatiga kiritish;
- testologiya va pedagogik o‘lchovlar bilan bog‘liq fundamental va amaliy ilmiy-tadqiqotlar, sinov-tajriba, ilmiy-uslubiy va loyihaviy ishlarni tashkil etish va o‘tkazish.
