Prezidentimizdiń 2019-jıl 14-maydaǵı PQ-4319-sanlı qararına muwapıq test sınaqları shólkemlestirilip atırǵan oqıw jılınan aldıńǵı jılları oqıw ornın tamamlaǵan abiturientlerden test sınaqlarında qatnasıw ushın bazalıq esaplaw muǵdarınıń yarım esesi muǵdarında tólem óndiriledi.

Bunda tómendegi topardaǵı abiturientlerden tólem óndirilmeytuǵınlıǵı belgilengen:

• test sınaqları shólkemlestirip atırǵan jılda oqıw orınların tamamlaǵan abiturientler;
• mayıplıǵı bolǵan shaxslar;
• tolıq mámleket támiynatındaǵı shaxslar (“Mehribanlıq“ úyi hám Balalar qalashası pitkeriwshileri).

Prezidentimizdiń 2022-jıl 20-apreldegi PF-113-sanlı Pármanı menen tómendegi 2 topardaǵı abiturientler test sınaǵı ushın tólemdi tólewden azat etildi:

• “Birden bir sociallıq qorgaw reestri” sistemasında dizimge alınǵan shaxslar hám olardıń perzentleri;
• “Jaslar dápteri”ne kiritilgen jaslar.

2022-jıl 1-iyunnan baslap usı 2 topardaǵı abiturientlerden test sınaǵı ushın tólem óndirilmeydi.