2024-yil 7-fevral kuni Bilimni baholash agentligida she’riyat mulkining sultoni Alisher Navoiy tavalludining 583 yilligi hamda shoh va ulug‘ shoir Zahiriddin Muhammad Bobur tavalludining 541 yilligi munosabati bilan adabiy uchrashuv bo‘lib o‘tdi.

Ulug‘ bobokalonlarimizning xalqaro va milliy adabiy hayotda tutgan o‘rni, o‘zbek tilining rivojiga qo‘shgan hissalari yod etilgan ushbu tadbirda adabiyotshunos olimlar S.Rafiddinov, T.Matyakubova va G.Atabayeva hamda agentlik xodimlari ishtirok etdilar.

Uchrashuvda nafaqat o‘z zamonasi, balki kelajakka muallimlik, ustozlik qilgan buyuk va zabardast bobolarimizning ijodi, ularning hayotlariga oid qiziqarli, ulkan tarixiy ahamiyatga ega voqeliklar esga olindi.

Adabiy uchrashuv barcha ishtirokchilar uchun ajoyib va iliq muhitda hamda taassurotlarga, qiziqarli savol-javoblarga boy o‘tdi.