2022-jıl 22-fevral kúni Mámleketlik test orayı janındaǵı Jámáátshilik keńesiniń náwbettegi jıynalısı bolıp ótti.

Jámáátshilik keńesi óziniń bul jıynalısın Prezidenttiń 2021-jıl 4-marttaǵı “2021–2025-jıllarda puqaralıq jámiyetin rawajlandırıw koncepciyasın tastıyıqlaw haqqında” PF-6181-sanlı Pármanı tiykarında keminde 50 payız mámleketlik emes shólkemler wákilleri kiritilgen jańalanǵan quramda ótkerdi.

Ilaj kún tártibine muwapıq Mámleketlik test orayınıń 2021-jıl iskerligi boyınsha esabatı tıńlandı hám talqılandı. Sonday-aq, Mámleketlik test orayı iskerligin belgilengen talap hám kriteriyalar tiykarında bahalaw máselesi korip shıǵıldı.

Jıynalıs dawamında usı máseleler boyınsha berilgen usınıslar hám pikirler itibarǵa alınıp, usınıs xarakterindegi áhmiyetli qararlar qabıl etildi hám keńes aǵzaları ortasında keyingi aylarda jámáátshilik penen turaqlı túrde baylanısqan halda islew, iskerliginiń ashıqlıǵın támiynlew, Mámleketlik test orayı iskerlikti adalatlı bahalap barıw wazıypaları belgilep alındı.

Mámleketlik test orayınıń málimleme xızmeti